Jæjajá, ætli það sé ekki kominn tími á pínu
skriftir...
Nú
er ég búin að ljúka við rennismíðanámskeið sem er hluti af
framleiðsluferliskúrsinum! Ekkert smá gaman, er búin að renna og
fræsa og svo forrita smá í cnc, en það er svo tengt við einhverja
tölvu sem rennir í plast. Svo nú er ég stoltur eigandi einhvers
öxulsdóts og plastkubbapúsls.
Tók svo euróvisjónmaraþon á laugardaginn, horfði á
undankeppnina (gó Silvía Nótt) og svo euróvisjón 2005 (var nottla
úti þegar það var sýnt). Sofnaði því miður í miðju kafi svo að það
þarf víst að klára þetta seinna.
Síðasta vika var hálfbrjáluð í skólanum og var ég að hugsa um
að skrifa eina færslu einn daginn þegar ég var í mikilli kaffivímu
til að ég myndi haldast vakandi í tölulegri greiningu. Það hefði
samt örugglega orðið álíka steikt og færslan í Manuel Antonio fyrir
förina til Arenal-eldfjallsins (það var happy hour svo ég var búin
með tvær daiquiriar) svo ég hlífði ykkur. Kaffi hefur ekki voðalega
æskileg áhrif á mig (var öll í kippum).
Nú
er ég samt að sofna svo ég held ég neyðist til að kaupa mér
kaffi...
P.S. Kíkið á www.jkrowling.com,
er að spá í að byrja á öllum Harry Potter bókunum aftur...
(Sætasti karakterinn úr kvikmynd fjögur er hér fyrir neðan,
hinn bráðmyndarlegi Viktor Krum...)
